Regiment Awt Adjudante Flaarisse

Op zondig tweej waeke veur de vastelaovend vunk eder jaor 't Gardetreffen plaatsj. 't Gardetreffen is ein door de "Federatie Euregionale Gardes" (FEG) opgezat evenement en wurd eder jaor aan ein van de 17 aangesjlaote gardes toegeweze om te organiseren.

Het FEG is ein overkoepelende vereiniging in eësjte instantie op initiatief van de Struipers oet Broenssoem, waobiej gardes oet de Euregio zich kènne aansjleete. De versjillende gardes leere einander kènne en kontakte tössje de gardes kènne zo gelag waere. Auch ein sjtökske kenniseuverdrach van de gardetraditie is ein belangriek sjpeerpunt van 't FEG. Momenteel telt 't FEG 17 aangesjlaote vereiniginge aafkomstig oet zowel Duutsjlandj, Belsj en Nederlandj. 

Tijdens 't Gardetreffen presenteere de versjillende gardes zich aanein (bènnekomst), waere d'r optreejes verzörg door  enkele geselecteerde gardes in de feëshal en is d'r ein optoch van alle aanwezige gardes. 

In 2007 haet 't RAAF zelf 't Gardetreffen toegewezen gekregen en georganiseerd in het kader van zien 11-jaorig jubileum. Väöle oere veurbereiding ginge veuraaf aan het evenement. Mer mit ein bomvolle sjporthal Laco Glanerbrook en ein mit toesjouwers druk bezatte optochroute waor 't dan auch ein groat succes en haet 't RAAF zich van zien bèste kantj weite te presenteere.

Veur ein impressie van de veurbereidinge en 't Gardetreffen toendertied in Gelaen, mer auch van de angere jaore dat veer es gasten höbbe deilgenomme kènt g'r os fotobook bekieke.

Euverzich Gardetreffens :

• 2012 Linnich (D.)
• 2011 Kirchroa
• 2010 Broenssoem
• 2009 Möchengladbach (D.)
• 2008 Düren (D) 
• 2007 GELAEN
• 2006 Eupen (B.) 
• 2005 Mestreech
• 2004 Remunj
• 2003 Vols
• 2002 Eupen (B.) 
• 2001 Mestreech
• 2000 Broenssoem
• 1999 Alsdorf (D.) 
• 1998 Stein (1e deilname RAAF biej dit 4e Euregionale Gardetreffen)
• 1997 Vols
• 1996 Broenssem
• 1995 Broenssem (1e Euregionale Gardetreffen)